ORDER OF BABEL

 

Overall rating		4.5
story		4.5
artwork		4.5

Lagbhag 2 saal ke baad aayi Aatankharta Nagraj ki Germany series ki shuruaati comics hai yeh...jiske aage kai parts hain...isliye yeh single comics ussi tarah se rate kari jaani chahiye..jo ki jyaada sahi hoga.
Aatankharta Nagraj ki kahaniyan jo suspence aur thrill maangti hain....woh iss comics mein lambe samay baad dikhaai de raha hai...kahani first page se lekar last page tak kahin bhi ruki huyi nahin lagegi...aur reader ko har samay aage padhne ki utsukta jagaati hai.
Germany mein Terrorism ek alag roop mein dikhaya gaya hai...jisme kuch fantasy bhi nazar aa rahi hai...reality se kuch alag...aage ke parts mein kaaphi kuch clear ho jaayega.
Artwork mein ek baar phir se Hemant ji aur jagdish ji ki Jodi ne kamaal kiya hai....Ek real battle field aur germany mein hone ka poora aihsaas artwork kara raha hai..Hemant ji ke banaye huye Action scenes bhi jaandaar hain...Rain scenes mein jagdish ji ka kaam bhi Umda hai.
Hemant ji ko bas ek sujhaav hai...ki alag alag Comics banate huye...jo Female yaani Girls roles hote hain...unme kuch difference rakhiye.....OOB mein dikhi LOLA aur last set mein aayi SCD ki comics AXE mein dikhi Richa mein koi farq nahin dikh raha...face cuts se lekar kapde aur hair style bhi same hain..iss cheez mein sudhaar par dhyaan deejiye.
Iss comics mein ek aur cheez hai...woh hai Shadab Siddiqui ji ke diye huye color effects...jinhone artwork ko aur khoobsoorat banaya hai..unhe aage bhi aisa hi work dete rehna chahiye

Yeh comics bhi har Nagraj fan ko achcha entertain karne mein safal rahegi.

AADAM

 

Overall rating		3.3
story		3.0
artwork		3.5

Anupam-Jolly ji Likhi Aadam Comics lambe samay baad Kaaldoot...Nageena....Miss Killer ke saath Nagraj ki Waapsi kara rahi hai....Lekin Main Villain hai "Aadam"...Jinke chaaro taraf Action ka Jaal buna gaya hai.
Agar Readers ko kuch naya dekhne ki Ichcha ho toh....Aadam se Nirasha milti hai.....Kahani mein Aisa kuch nahin dikhaayi deta hai jo ki Nagraj Series mein pehle dikhaya naa gaya ho......Praacheen Khudaai se Nikli hui Villain Roopi Musibat....Nagraj-Kaaldoot ki Har Comics ki tarah hone waali Unnecessary Fight.....Miss Killer-Nageena ki Duniya ko Jeetne ki wahi saalo pehle ki Ichcha....Kahani Ek Line se Shuru Hokar ussi Ek Line par khatam bhi ho jaati hai.
Nagraj ke Aise Die-hard Fans jinhe koi bhi Comics sirf achchi hi achchi lagti hai.....Unke liye Aadam ek bahut bada Gift saabit hogi....Kyunki unhe lambe samay baad Apne favourite Side roles dekhne ko mil rahe hain.
Artwork achcha bana hai.....Aakhir Anupam-Vinod ji jo ki RC mein sabse best hai...ka kaam hai....Vinod ji ka iss comics mein Poora kaam Naa hone ke baawjood bhi artwork jyaada Niraash nahin karta....Color effects badhiya lagte hain.

Overall Aadam Simple Timepass Comics hai..

72 GHANTE

 

Overall rating		3.5
story		4.0
artwork		3.0

Lakshyabhedi Series ki yeh last comic 72 Ghante......Apne pehle ke 2 parts ka achcha End saabit huyi hai.
Poori Comics Ghadi ke Gujarte Ghanto mein Doga ke apne Dushman ko pakadne ke liye kiye jaate prayaaso ke Baare mein hai....Yaani Full Action aur Doga ki Solid Dialogues.
Iss Poori Bhaag-daud ka End kya hota hai....yeh aap comics padhkar jaan leejiyega.
Artwork Manuji ka Banaya hua hai....jo aur achcha ban sakta tha Agar Inking badhiya kari gayi hoti....Inking mein Doga ki Comics maat khaa rahi hain....Iss taraf Sudhaar laane ki jaroorat hai.

Overall har Doga Fan ko 72 Ghante jaroor padhni chahiye....Entertaining comic hai.

ANTARDWAND

 

Overall rating		3.3
story		3.5
artwork		3.0

Dhikaar ke Iss second Part Antardwand mein kahani Achchi likhi gayi hai....Bhokal ke Janam se judi huyi baaton ko Khola jaa raha hai....jo Aage bhi Aane waali Comics mein Jaari rahega.
Antardwand mainly ek Journey story hai....Bhokal ke Khud ko "Bhokal-Shakti" ke laayak saabit karne ki...Ab woh yeh Saabit kar paaya ya Nahin....yeh toh aap Comics padhkar hi jaan paayenge.
Writers se request hai ki Nayi Stories ko likhte huye Unme Naye Ideas ka Use karein.....Antardwand mein "Tilism"
Sequence Nagraj ki ek Comics se milta-julta likh diya gaya hai....Isse Story par Negative Effect padta hai.
Artwork mein Iss baar Pencil par Seedhe Color kar diya gaya hai....Yaani inking ke bina artwork banaya gaya hai.
Bina Ink ka Artwork Poori tarah se achcha nahin ban paaya hai....Pencil ke Unnecessary Strokes aur aadi-Tirchi lines saaf dekhi jaa sakti hain....RC ko Inking ke saath hi Artwork paas karna chahiye...jabki Glossy paper Use ho raha hai.

Overall Antardwand ek Mushqil Journey ka Happy end hai.

INFECTED-MRITYUJEEVI

 

Overall rating		4.3
story		4.0
artwork		4.5

Sabse pehle toh yeh batana theek rahega ki yeh comics Nagraj ki THS issue hai....42 pages mein se uska role sirf 1 page mein hai.
iske agle part Mrityujeevi mein Nagraj ka Full role hai.
Kahani mein Nagraj ki ek puraani Villain ko waapas laya gaya hai.
Comic choti hai magar entertaining hai.

Hemant ji ne Horror theme ke according bahut badhiya artwork banaya hai....Jungle aur Rain scenes bahut achche bane hain....aur Gaurav ji ki Inking bhi shaandaar hai.

Overall Ek acchi kahani ka Shuruaati plot mil gaya hai...jaroor padhiye. 

 

Overall rating		4.5
story		4.5
artwork		4.5

Infected ke Next part Mritujeevi ka swaagat.
Kahani jitna socha tha usse bhi jyaada badhiya likhi gayi hai....Kahani ko past-present ke beech mein jis tarah se balance karke rakha gaya hai...woh apne aapme ek acheivement lagti hai.
Miss Killer ka role bahut jordaar lagta hai...aur Nagraj ke saath saath sabhi side roles bhi achche lagte hain.
Artwork ke baare mein Ek word "Fantastic"
Mritujeevi comics har RC Fan ko leni chahiye..

DHIKKAR

 

Overall rating		4.5
story		4.5
artwork		4.5

Kaaphi lambe samay baad VikasNagar Bhokal Aapke saamne hai..aur poori majbooti ke saath RC ne Iss baar kahani ko disha di hai....Bhokal ke Bachpan ki Khoj ki taraf...Kaun hai Bhokal ka Janamdaata???
Sawaal Hazaaro khade hain...lekin jawaab ek bhi nahin....Agli comics ka wait karna padega.

Hemant-Amit ji ki Jodi ka bana Artwork bahut Sunder bana hai...Lekin sabse alag lag rahi hai Comics mein Color effects ki Sunderta...Abdul Rasheed ji ka kaam dekhne laayak hai.

Overall Dhikkar Bhokal ki ek badhiya comic hai...Jaroor Padhiye.

I SPY

 

Overall rating		4.5
story		4.5
artwork		4.5

Story bahut Entertaining hai....Kahani Full pace ke saath aage badhti hai...achchi baat yeh hai...ki Alag Alag Links ko kahani mein rotate karke kahani ko baandhe rakha gaya hai.
Tiranga Comics mein Dumdaar bhoomika mein hai...End mein taaliyan ussi ke hisse mein jaati hain...Comeback role mein woh badhiya laga hai.
Nagraj ka role jyaada Action mein hi chala gaya hai.

Writer ne kahani ke Dialogue bahut Jordaar likhe hain.

Hemant ji Artwork bahut badhiya hai...aur Sagar Thapa ne utni hi badhiya Inking bhi kari hai....Agar woh consistent achcha karte jaayein toh bahut aage jaayenge.

Overall I-Spy ek Thrilling Entertaining comics hai...Must read.