ALTER EGO

 

Overall rating		3.8
story		3.5
artwork		4.0

Alter Ego ek Dark story hai...Story dark uska narration dark....Artwork dark...Coloring dark aur Dhruva bhi dark yaani AXE.
yaani totally opposite concepts jo aaj tak Dhruva ki comics mein dikhe nahin.
Iss tarah ki stories likhte huye sabse bada point hota hai pehle dikhaayi jaa chuki cheezo ko badle bina story mein Intrest banaye rakhna..Isme writers ki safalta AXE ke poora hone ke baad hi bataai jaa sakti hai.

Kahani achchi likhi gayi hai...aur lagaataar suspence create karti jaati hai....ki aage kya hone waala hai....jo ki positive point hai.

Hemant ji ne pencilling bahut badhiya kari hai...aur Dhruva ko achcha banaya hai...Amit ji ko Unnecessary Strokes chehro par nahin banane chahiye...unhe saaf rakhein.

Overall Alter-Ego AXE ka shuruaati base hai...kuch ghatnaayein chaunkaati hain...jinka Answer aage ki comics mein mil jaayega.

AXE

 

Overall rating		4.0
story		4.0
artwork		4.0

Alter Ego ka doosra part yaani Axe.
Writers ne kahani ko poori speed ke saath aage badhya hai aur kai alag-alag sequences ko bhi achchi tarah se jagah di hai...Lekin phir bhi Axe se jitni high expectations thi...woh poori nahin ho paayi...jispar writers ko gaur karna chahiye.
Axe mein positive point raha hai...Dhruva ko ek baar phir se Mushqilo se ghira pareshaan dekhna...Ek Hero hamesha aasaani se jeet jaaye....yeh baat Hazam nahin hoti hai....isliye writers ka Dhruva par yeh prayaas bahut badhiya hai.
Axe mein Richa aur Blackcat ko itne lambe samay baad Majboot role mein dekhkar bahut achcha laga...Jske liye writers Badhaai ke Paatra hain....Side roles par unhone bahut mehnat kari hai....Story mein dikhaayi gayi cheezein aage aane waali stories ki jhalak deti hain...jo ki Achcha lagta hai.
Axe ke baare mein Aam rai yeh ban rahi thi...ki woh Dhruva ka dushman hai.....lekin wahi Future Villain aur Aakhir mein Dhruva se Dosti ho jaane waala Ghisa-Pita Angle daalkar Kahani ko padhne ka Romanch khatam kar diya gaya.
Aakhir Writers ne Risk lene ki koshish kyun nahin kari?....Pehle aayi comics mein jo ho chuka hai....Jaroori nahin wahi cheez dubara Dohraai jaaye.....Yeh Future mein Baar-Baar bheji jaa rahi Dhruva ki kahaniyo ka Ab Over-Dose hone laga hai...
Stories ko Simple Down to earth rakhiye...Aisa jyaadatar Readers ka kehna hai...
Humare hisaab se yeh kahani ek hadd tak jaisi likhi gayi hai....woh iske base par theek baith rahi hai......aur jahan tak kuch objections ka sawaal hai....toh Iss kahani ko kum se kum lagataar 2 baar padhne ke baad samjha jaa sakta hai....ki kahani mein kaun si cheez kis wazah se dikhaayi gayi thi...
Negative point Axe ki ending ka raha.....Jo ki Dead Or Alive ki tarah Bamb ki Tick Tick par Tika hua tha.....Lagaatar 2 Stories mein ek jaisa dikhne wala End???????
Aage iss taraf dhyaan deejiye ki Story ke end ka Kachra naa ho jaaye.
Artwork :- Hemant aur Jagdish ji ki Jodi ka banaya Artwork Dhyaan kheenchta hai.....Dhruva aur Richa kaaphi Achche bane hain....Thodi mehnat ki jaroorat blackcat par hai....Uski figure kai jagah Odd lagti hai.....Issi tarah last mein Natasha ke Hairs ko Curly banaya jaana chahiye tha....Kyunki yahi Uski Pehchaan hai.
Coloring mein bhi Sudhaar laane ki jaroorat mehsoos ho rahi hai....Comics mein color combinations sahi nahin lag rahe the....
Axe ke Overcoat ko agar Green ki jagah "Maroon" color ka banaya jaata toh aur badhiya lag sakta tha.....Rasheed ji Comics mein Jaroorat se Jyaada Green Color ka Use karte hain.....natural Trees Grasses waise bhi Green hoti hain....aur inke alawa Agar Characters bhi surroundings se hi milte julte color mein dikhne lagte hain.....toh achcha effect nahin aa paata.
Iske Alawa Jab Poori comics mein Richa ko Pink ya reddish color ke Top mein Dikhaya gaya hai.....toh last mein Natasha ko bhi Pink color ke Kapde kyun pehna diye gaye......Artwork mein Richa-natasha mein koi difference hi nahin bacha.
Iss taraf Rashid ji ka dhyaan dilaaiye.
Overall Axe ek achchi comics ki Rooprekha banati hai....aur aage aane wali Comics ka Platform taiyaar karti hai.

KYUN HAI NAGRAJ

 

Overall rating		3.0
story		3.0
artwork		3.0

Story: Jolly & Anupam Sinha

Anupam Sinha-Jolly Sinha…..Yeh Dono Naam sunte hi kisi bhi comic lover ko ek achchi comics aur bharpoor Manoranjan ki guarantee mil jaati hai.

Lekin surprisingly “Kyun Hai Nagraj” iss baat ke opposite direction mein gayi hai.

Ek thaki huyi kahani…….Sequences ke Intresting bante hi unhe khatam karke unki hatya……..kahani mein achanak se prakat ho jaate charaters…….Nagraj ka bina kisi pareshaani ke Apni nayi-Nayi powers se unhe khatam karte jaana…….Bina kisi mushqil ke…..woh bhi kai jagah bina define kiye…….kyunki Nagraj ki body ko Ab “Define” jaise words se kai guna door kar diya gaya hai.

Comics ko neeche karne ki bachi khuchi kasar……dialogues aur Inking ki immaturity ne poori kar di.

Kahani ko padhne ki rochak shuruaat…..Aakhiri panno tak pahucte-pahucte Dum tod kar niraash kar deti hai.

Artwork-

Pencilling….Anupam Sinha.

Anupam ji ki Pencilling dekhne laayak hai……Cover aur first page hi bata dete hain ki Andar ke pages Anupam ji kaaphi mehnat se banaye hain.

Inking…..Gaurav Srivastav

Ek hi word kaaphi hoga Inking ke level ke liye..”Niraashajanak”

Gauruv ji ko Inking par bahut jyaada mehnat karne ki jaroorat hai…..woh bhi tab jab Nagraj aur Anupam ji ki Comics hai.

Chehro par Expressions kaise laaye jaate hain……yeh unhe Abhi nahin aaya….Faces Statue jaise lag rahe hain…jinpar pata hi nahin chal raha ki kya bhaav-bhangima aa aur jaa rahi hain.

Nagraj poori comic mein ek bhi Frame mein aisa nahin laga ki usse badhiya kaha jaa sake…….Anupam ji ki pencil ne Artwork bacha liye thoda bahut…..

Baaki character ka bhi yahi haal hai……Zulu pehle wala Zulu nahin laga…aur Naa hi baaki characters bhi kisi bhi alag frame mein ek jaise lage.

RC se request hai…..ki Anupam ji ki Pencil par pehle ki tarah Sagar Thapa ji se kaam karaya jaaye……toh Inking level mein sudhaar aayega.

Color….Sunil

Iss baar ek galti Coloring mein huyi hai……Dr Zulu ki….Skin ko Nagraj ki tarah hi Gora dikhaya gaya hai…..uski Puraani comics se woh bilkul bhi match nahin kar raha……RC ko aisi cheezo ka dhyaan rakhna chahiye.

Overall…..Apne first part “Nagraj hai Naa” ke comparison mein “Kyun hai Nagraj” bahut Niraash karti hai.

RC se request hai ki woh Readers ko Isse jyaada achchi aur manoranjan se bharpoor Stories aur Artworks de.

LAKSHYA PURUSH

 

Overall rating		4.5
story		5.0
artwork		4.0

Writers:-Sanjay Gupta and Tarun kumar Wahi.

Story……Jo kahani Lakshybhedi mein Suspence ke Saath Ruk gayi thi……Woh Lakshya-Purush mein utni hi Achchi tarah se Higher Levels ko chhoo rahi hai……Story aur Dialogues kaaphi achche hain…….Kahani Bhaavnaatmak hai……Aur Romanchit kar deti hai….
Kaali chacha ke upar based Yeh Story……Iss comic mein apne Motive mein kaamyaab rahi hai…..Kaali chacha ka Poora past isme Khola gaya hai……..Jo kahani ki USP hai.
Suraj ka Role Doga par bhaari padta dekhkar achcha laga.
Aur Ab kaali chacha ke Gunahgaar ki khoj mein….Doga ne apna Time Set kar liya hai……Aur Jisse Jaanne ke liye Intezaar kariye……72 Ghante.
Bhaavna-Pradhaan yeh Comic jaroor padhiye.

Artwork:-
Pencilling…….Manu(Image Studio)

Manu ji ke bina Doga ki kalpana Mushqil hai….Unki pencil hi Doga ki jaan hai….. Lakshya-Purush mein bhi bahut Achchi tarah se Story ke hisaab se Pencil work hai……Character Sketches aaj bhi waise hi lag rahe hain jaise 10 saal pehle the….Great work.

Inking……..Sagar Thapa.

Iss Comic ka jo sabse Kamjor pehlu hai……woh hai Inking……yaani Sagar Thapa ji….. woh Doga ke Artwork par Settle nahin ho paaye hain Abhi bhi.

Inking ke naam par lambi lambi lines kheechi gayi hai.......aur jo kuch bhi Achcha nazar aa raha hai........woh Achche pencil work ka nateeza hai.

Main bas yahi suggest karunga ki Sagar ji ko kisi ek hero ke upar Kaam karne ke liye Settle karaya jaaye.......Jyaada load har Hero ka sahi nahin hai.
Aur Doga ki Inking ke liye kisi aur Inker ko khoja jaaye…..Manu ji ke work ko Ruin naa karaya jaaye.

Overall Yeh comic Doga ki Ek Gem comic hai……Jaroor padhiye.

NAGRAJ HAI NAA

 

Overall rating		3.3
story		3.0
artwork		3.5

Story…Jolly and Anupam Sinha

Bahut hi light way mein kai baar used ho chuke plot par likhi gayi…kahani hai…….Nagraj hai Naa.
Mahanagar ko International Games ki Mezbaani milti hai…….Jis par kai Desho ki nazar thi….Ab woh Games mein Rukhawatien daal rahe hain…….aur Nagraj Desh Seva mein Unhe Rok raha hai……That’s It.

Iss Kahani ki Shuruaat hi Ajeeb hai……….Mahanagar ko International games ki Mezbaani pata nahin kaise mil gayi…..Jabki Recently Mahanagar mein kai tarah ki Araazakta aur Pareshaaniyan huyi hain……(Nagraj ke Baad aur Hedron Series)
Selection committee ne iss baat ki taraf lagta hai koi dhyaan hi nahin diya…..Khair.
Nagraj ke paas Nayi-Nayi Powers ke aane ka silsila yahan bhi Jaari hai…….Adaptations ka sabse bada example Ab wohi lag raha hai.

Jo cheez comics mein Dekhkar achcha laga woh hai………Nagraj ka Iss baar poori Duniya ko nahin…….Balki Apni locality ki Musibaton ko Door karne ka prayaas.
Isse Nagraj ke Role mein Zimmedaari ki bhavna kaaphi achchi tarah se ubhar kar saamne aayi hai.
Side role mein koi khaas nahin hai……Poori comic mein Sirf Nagraj chaaya hua hai………Last page Surprise Element hai…..Ek Old Villain ki waapsi huyi hai….Yeh achhci cheez huyi hai.

Artwork…

Pencilling:-Storyline ke Mahanagar ke Parivesh ke hisaab se Anupam ji ne Achcha Artwork taiyaar kiya hai….Frames bhi jyaada bade nahin hain…….aur Story Achchi tarah se given pages mein Fit ho gayi hai.

Inking:- ........Isme 2 Inkers hai......Sagar Thapa & Gaurav Srivastav.

First page mein pehle Gaurav Ji ka Naam hai Phir Sagar ji ka........Mujhe yeh kehte huye kaaphi dukh ho raha hai.......ki Andar ke kaam ke maamle mein yeh baat bilkul opposite Nazar Aayegi.

Page-1 se Page 15 tak.......Sagar ji ne bahut achchi Inking kari hai.....Good job Done by him.
Page-16-Page-34 tak.......Gaurav ji ke kaam mein sudhaar ki jaroorat hai.

Page-35-page-50 tak Again Sagar ji ne Achcha kaam kiya.

Aur last ke 50-60 page no tak..Again Gaurav ji ne sab kharaab kar diya.

RC ko Kum se Kum Nagraj Aur Dhruva ki inking Sirf Sur Sirf Sagar Thapa ki se hi karaani chahiye...
Nagraj Hai Naa Aisi comic toh nahin hai……Jiski Shaan mein kaseede padhe jaayein……..Ummeed hai ki Agla Part jyaada Achcha saabit hoga.

AADAMKHOR

 

Overall rating		4.0
story		4.0
artwork		4.0

Story:-Sanjay Gupta,Taraun Kumar Wahi & Mandaar gengele.

Narak Naashak Nagraj ke Kaarnaamo ko jaanne ke liye kahani padhne waalo ko thodi niraasha milegi………Kyunki NNN ka role Story mein Support mein raha hai Naa ki Lead karte huye……….Lekin yeh dekhkar bahut Achcha laga………ki Baaki Sabhi naye chahracters ne Dumdaar Roles mein Story ki Fast Speed ko kahin bhi Kum nahin hone diya………..THS ka Mazaa deti huyi yeh Story kisi bhi SuperHero ko lekar Likhi jaa sakti thi……..Yeh Iss Kahani ka Plus point raha hai.
Kahani mein Scientific Inventions………Period incidents…….ka linkage………..Shuru mein Ek Ancient Story……..Phir Present status……Phie Adventure Series……..Phir present………yeh Ek lambi chain hai……….Phir baad mein Ek nayi story………Aur End mein Ek Achambhit kar dene waale Raaz ka khulaasa…………Sabkuch bahut hi achchi tarah se plan kiya gaya hai………….Great Writing.
Story mein Ek nayi Female character hai………past and present se belong karti huyi…………Aur Hemant ji ke Sundar Artwork se Sazi huyi………Aur writers dwaara diye gaye Mainframe Rle mein……….Yeh baat readers ka dhyaan jaroor Aakarshit karegi.
Yeh Story Ambitious Youth par targeted hai………..Surely unhe pasand aayegi………Lekin Dil mein Darr paida karte huye.

Artwork:-

Pencil-Hemant Kumar

Inking-Amit Kumar.

Aadamkhor………jaise ki title se hi pata chal raha hai………Artwork Night time ke hisaab mein banaya gaya hai………….Full Story Dark hai…………Hemant Ji ne NNN ke Action Scenes ko Achcha draw kiya hai……….Aur Villains aur Side Roles ko bhi……….Kuch jagaho par Color aur Light Effects bhi bahut achche hain………Aadamkhoro se juda hua har Artwork daraata hua lag raha hai.
Artwork ki Ek khaas baat aur hai………woh hain Background Scenes…..and Night Sky ke dark and light effects……Jihone situations ko jyaada real feel karaane mein help kari hai.

Aadamkhor Ek halki-Fulki………..Daraawani Suspence Comic hai……..Jaroor padhiye.

LAKSHYA BHEDI

 

Overall rating		3.3
story		3.5
artwork		3.0

Kaaphi lambe Intezaar ke baad.........Doga ki Regular Comic LakshaBhedi Release huyi hai............Lekin Jitna Expect kiya tha.............Utna Mil nahin paaya.

Story:-

Story Basically Doga par nahin........Balki Uske Chacha Kaali Mirch ke Upar hai.............Jo ki Doga ke Guru bhi hain...........Jinhone India ko Doga ke saath-saath Shooting ki Duniya mein kai Khilaadi aur kai Trained Officers bhi diye hain.
Yeh Comic unke upar hai............Unki life ki Pareshaaniyo.................Aur musibaton ko dikha rahi hai.............Ek Villain hain Dedo......Jisse Achche Shooters se nafrat hai..............Aur uske kai Sharp-Shooters jo ki Mumbai mein Apna Jungle-Raaj chalana chahte hain............Doga ka Sooraj ke Roop mein Police ke saath Jhagdna.......Aur bhi Kai Rochak Incidents Story mein hain.

Artwork:-

Image Studio(Manu ji) ka Artwok hai............Jo apni Purani Doga Style mein hai..............Lekin RC ne Ek galti kar di.........Aur woh hai Sagar Thapa ji ke Upar LakshaBhedi ki Inking ka bhi Extra Load daal diya................Hedron ke Alawa LakshaBhedi ki bhi inking Unhi se karwakar Thapa ji ko Work karne ke liye poora Itminaan nahin mila paaya hoga.............Jiski wazah se Artwork ki Inking Sirf Dekhne laayek nazar aa rahi hai.
Usse Awesome nahin kaha jaa sakta................RC ko dhyaan rakhna chahiye Aisi cheezon ka................Manu ji Ke Hone ke baad bhi woh pehle waali baat aa nahin paayi.

LakshaBhedi Sirf Series ka First part hone ki wazah se jyaada Comments ke laayak nahin hai............Laksha-Purush ka Intezaar kariye.